तुकाराम टाइम्स

------------------------

तुकारामाचा आजचा आग्रह-लेख --- ९   

तुकाराम महाराज आज जर एखाद्या वर्तमानपत्राचे संपादक असते तर आज जी मुख्य बातमी आहे त्यावर काय म्हणाले असते ?

९  ---- नवीन मंत्रालय, “आनंद मंत्रालय” सुरू होणार !

-------------------

आनंदाचे डोहीं आनंद तरंग । आनंदचि अंग आनंदाचें॥1॥

 काय सांगों झालें कांहीचियाबाही । पुढें चाली नाहीं आवडीनें ॥ध्रु.॥

 गर्भाचे आवडी मातेचा डोहाळा । तेथींचा जिव्हाळा तेथें बिंबे ॥2॥

 तुका ह्मणे तैसा ओतलासे ठसा । अनुभव सरिसा मुखा आला ॥3॥

( मी आनंदाचा, ब्रह्मानंदाचा, डोह झालो आहे, म्हणून त्याच्यामध्ये आनंदाच्या लाटा येतात, कारण आनंदाचे अंग आनंदच असते. मला जे काही सुख झाले ते काहीच्या बाहीच आहे ; त्याचे मी काय वर्णन करू ? कारण त्याच्या प्रीतीने ( प्रपंचाची पुढील हाव संपली. पोटातील गर्भाची जशी आवड असते तेच डोहाळे आईला होतात, कारण त्या ठिकाणचा ( गर्भाचा ) स्वभाव तेथेच आईमध्ये प्रगट होतो. तुकाराम महाराज म्हणतात, त्याचप्रमाणे जो अनुभवाचा ठसा माझ्या अंत:करणात उमटला आहे तोच माझ्या वाणीवाटे प्रगट झाला. ---जोग प्रतीप्रमाणे ).

म्हणजे आनंदाचा प्रत्यक्ष अनुभव लोकांना आल्याशिवाय त्यांच्याद्वारे आनंद प्रगट होणार नाही !

----------------