तुकाराम टाइम्स

------------------------

तुकारामाचा आजचा आग्रह-लेख --- १०   

तुकाराम महाराज आज जर एखाद्या वर्तमानपत्राचे संपादक असते तर आज जी मुख्य बातमी आहे त्यावर काय म्हणाले असते ?

१० --------- भाषेचा “नाद” खुळा ! ( निरनिराळ्या भाषा

लोक कसे शिकत आहेत त्यावर )

---------------

सांठविला  वाण । पैस घातला दुकान ॥1॥

जें ज्या पाहिजे जे काळीं । आहे सिद्धचि जवळी ॥ध्रु.॥

निवडिलें साचें । उत्तम-मध्यम-कनिष्ठाचें ॥2॥

तुका बैसला दुकानीं । दावी मोला ऐसी वाणी ॥3॥

( खरे तर हा अभंग सात्विक, राजस, तामस हे रस तुकारामाने दुकानात माल ठेवावा तसे ठेवले आहेत व जसा भाव मागाल तसा देऊ असे म्हणण्यासाठी आहे.). पण जगात निरनिराळ्या भाषाच जणू देवाने दुकानात विकण्यासाठी ठेवल्या आहेत व जसा तुमचा भाव असेल तशी भाषा देऊ असा चपखल अर्थ आज आपण त्यात काढू शकतो ! हाच तो  

“भाषेचा नाद-खुळा” !

किंवा

करितों कवित्व म्हणाल हें कोणी । नव्हे माझी वाणी पदरींची ॥1॥

माझिये युक्तीचा नव्हे हा प्रकार । मज विश्वंभर बोलवितो ॥ध्रु.॥

काय मी पामर जाणे अर्थभेद । वदवी गोविंद तें चि वदें ॥2॥

निमित्त मापासी बैसविलों आहें । मी तों कांहीं नव्हे स्वामिसत्ता ॥3॥

तुका म्हणे आहें पाईकचि खरा । वागवितों मुद्रा नामाची हे ॥4॥

किंवा

आपुलिया बळें नाहीं मी बोलत । सखा भगवंत वाचा त्याची ॥1॥

साळुंकी मंजूळ बोलतसे वाणी । शिकविता धणी वेगळाची ॥ध्रु.॥

काय म्यां पामरें बोलावीं उत्तरें । परि त्या विश्वंभरें बोलविलें ॥2॥

तुका ह्मणे त्याची कोण जाणे कळा । चालवी पांगळा पायांविण ॥3॥

---------------------------